Mata Kohore / Stoned At The Nail Salon

(album: Te Ao Mārama - 2021)

He oha nā Hiwa ka takoto I te mataaho
Mō te tūpono I hē te ara I whāia
E arohaina ana te ao e noho nei au
Te kurī taringa pīkari kei te rapu tonu I te mea ngaro

Kua roa e takahia ana tēnei huarahi
Atu I konei, ki hea atu rā?

Ko ngā hine rerehua ka rerehu noa atu
Ko te ao hurihuri tēnei e huri ana
E aua!
Kohore ana pea aku mata
Kohore ana pea aku mata (Mata)

Takoto kau I tō moenga he whakakai I te taringa
Puta ana I te pō kanikani tahi ai
Ka mahuta te rā, kua tata mai te ahungarua
Ko koe tonu tērā taku whakawairangi

Kua roa e takahia ana tēnei huarahi
Atu I konei, ki hea atu rā?

He wā tōna ake haere a tā koe ki puoro kē atu
Ko te ao hurihuri tēnei e huri ana
E aua!
Kohore ana pea aku mata
Kohore ana pea aku mata (Mata)

Kia pai mai rā
Kia pai mai rā
Taiāwhio ana I te ao hurihuri mō āke tonu e
Atu I konei, he aha te aha

Noho atu ki te hunga nā rātou koe I poipoi
Ko te ao hurihuri tēnei e huri ana
E aua!
Kohore ana pea aku mata
Kohore ana pea aku mata (Mata)