An Giobóg

(álbum: Clannad In Concert - 1979)

Bliain mhór sa taca seo
Ba deas mo chulaith éadaigh
Ba lúfar éadrom aigeanta
A dhéanfainn bean a bhréagadh
Ach shantaigh mise an ghiobóg
Mar bhí cupla bó mar spré aici
Is d'fhág sí ar an anás mé
Is mo chraiceann gheal gan léine

Má bhí culaith mhaith an uair sin ort
B'fhéidir nár leat féin í
Ní raibh tú pósta seachtain go raibh
Fear na comharsa 'hiarraidh
Dhíol tú mo chuid eallaigh
Le sin agus tuilleadh réiteach
Is d'fhág tú ar an anás mé
Is gan snáithe orm san oíche

A bhuachaillí, a bhuachaillí
An méid agaibh atá gan pósadh
Ná santaigí na giobógaí
De réir mar a bíonn siad cóirithe
Nó b'fhearr duit cailín glan agat
A scuabfadh amach i gcónaí
Ná luathra buí na seachtaine
Á cur amach Dé Domhnaigh

Bliain mhór sa taca seo
Ba deas mo chulaith éadaigh
Ba lúfar éadrom aigeanta
A dhéanfainn bean a bhréagadh
Ach shantaigh mise an ghiobóg
Mar bhí cupla bó mar spré aici
Is d'fhág sí ar an anás mé
Is mo chraiceann gheal gan léine