Alastress

(アルバム： 08:01 - 2017)

Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Wala pa ba sayong naghahanap
Ayoko sana na maging istorbo saiyong pagsasaya, alam ko naman na merong ganap
Pero ang magulang mo ngayon malamang nag aalala, dapat umuwi ka ng maaga
At hindi naman yun para lang sakanila, alam mong madilim na sa kalsada
Iniwanan ka na ng iyong mga kasama, mataas ang tyansa mo ngayon na mapahamak
Minor de idad ka palang, pero ang lakas mo nang makainom
Sabihin nalang nating masarap talagang tama ng alak pero mga kasama mo'y masasama ang intensyon

Ala stres ng madaling araw asan ka na ba...

Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Wala na ba sayong naghahanap
Alam ko na masarap maging kolehiyala, pakiramdam mo ay alam mo na lahat
Ang pag iinom ay iyo nang napagaralan, kaya dyan ka nalang bumabagsak
Ang baon na binibigay sayo ng yong magulang, ginastos mo nalang lahat sa toma
Sila'y pinunong puno na, hindi naman nagkulang pero sumosobra ka na, kelan ba hihinto yan?
Wala ka na bang balak na pumasok? kaya tinutulugan mo'y harap ng sinaraduhang pintuan
Imbis na matapos ang pagaaral, tinapos mo ang yong kinabukasan

Anong oras ka na ba matutulog
Makinig ka sana sakin kung sakaling mahuhulog na
Bakit nakaposas ka na sa kamay nya
Umuwi ka na, anong oras na, anong oras na

Ala stres ng madaling araw asan ka na ba...

Bakit ka nagpupuyat? Anong ginagawa mo sa labas?
Ano ang ginagawa mo ng ganitong oras? Ang dami na sayong naghahanap
Bakit ba nakatayo ka lamang sa kalsada at iba ibang bubong ang tinitingala
Nakapangalis pa tuwing madaling araw, nagbibihis para lang mahubaran
Masyado ka naman atang na nalulong sa alak, wala nang ibang mapagkakitaan
Ang yong katawan ay iyong ipinapahamak sapagkat yan na ang tawag mo saiyong kasiyahan
Ba't pinabayaan ang yong sarili, ba't hindi malaman, sakali na maisip
Na kaya mo pa na sumigaw at pumiglas, kumawala pero pinili mo nalang na manahimik

Anong oras ka na ba matutulog
Makinig ka sana sakin kung sakaling mahuhulog na
Bakit nakaposas ka na sa kamay nya
Umuwi ka na, anong oras na, anong oras na

Bakit ka nagpupuyat? anong ginagawa mo sa labas?
Ano ang ginagawa nila ganitong oras? ngayon lang kitang nakitang humiga
Ngayon na't nakapikit nang yong mga mata, sana sayong buhay ikay naging masaya
Dati ay marami pa sayong naghahanap, ngayon ay alam na namin na wala ka na

Ala stres ng madaling araw asan ka na ba...