Mega Happy

(album: Ich liebe Dich - 2020)

Ich ha probiert mich Sälber z'si
Ich ha gmerkt ich bin es Arschloch
Jetzt wo ich en Andere bi
Bini eifach meega Happy

Vergrab s'Gsicht nöd i de Händ
Steck de Chopf nöd in Sand
Verbränn der d'Finger nöd
Mal ke Tüfel a d'Wand
Wer A seid muss au B
Drum sägi eifach nüt
Chasch das alles ä nümm gseh? Denn
Lueg halt wäg
Tusch die grosse Träum
Gäge s'chline Glück
Lueg ned uf zude Stärne, will dän brichsch der s'Gnick
Las besser ruhig agah, will alles andere bricht der s'Herz

Ich ha probiert mich Sälber z'si
Ich ha gmerkt es isch der Horror
Jetzt wo ich en Andere bi
Bini eifach meega Happy

Nimm en Schirm wenns rägnet
Und en Schal wennd frührsch
Es Monetsabo und gnüss de Tag i volle Züg
Am Abig echli Netflix
Oder Bier mit Fründe
Und redet über d'Arbet oder über d'Chinde
S'Tatoo mit Henna
Weisch nume zum Spass
Ned symbolisch meinen i das
I wohne anere Strass, wo zum Friedhof gahd

Ja dis Gäld ghört de Bank
Dini Sorge am Psycholog
Din Körper ghört em Fitness
Und dis Muul seid käs Wort
Chli Botox ide Stirn
Gäg jedi Sorgefalte
Dis Gsicht isch so neutral wie d'Schwiiz
Ja du bisch lösigsorientiert
Häsch no nie öpis zerstört
Häsch no garantiert no gar niemert provoziert
Hesch ke Müüs im Chäller
Und kä Tube ufem Dach
Nd das gfallt mer a dir

Ich ha probiert mich Sälber z'si
Ich ha gmerkt s'chund nöd in Frag
Jetzt wo ich en Andere bi
Bini eifach meega Happy