Nornagest Ríma (Hidden Track)

(album: How Far To Asgaard - 2002)

Eitt er frøðið um Nornagest
-tú tarvst onki ráð geva í vanda
Tílíkum góðum gekk han næst
-hvør ein sveinur geri so
Oksar tólv vóru leiddir á torg
Og so fram á fríðu borg

Hvíta tjald nívir niður frammi
Enn gellir lúður í stavni
Kallur kom heim við ungum syni
Kelling situr so hákonu blíð
Hvíta tjald nívur niður frammi

Kongur ætlar at høgga teir
-tú tarvst onki ráð geva í vanda
Tílíkum góðum gekk tað við gleim
-hvør ein sveinur geri so
Kongurin hjó so mikið høgg
At blóðið dreiv við benjar døgg

Allir duttu teir deyðir niður
-tú tarvst onki ráð geva í vanda
Øxin stóð í stokki við
-hvør ein sveinur geri so
Allir lovaðu hilmarhøgg
Blóðið dreiv um benjardøgg

Har kom kall við høkjur tvær
-tú tarvst onki ráð geva í vanda
Studdist so fast á báðar tær
-hvør ein sveinur geri so
Kongurin kvøður kalli blíttt
"Hví lovar tú ikki høggið mítt"

Yvrið harra var høggið títt
-tú tarvst onki ráð geva í vanda
Í forðum sá eg vænari slíkt
-hvør ein sveinur geri so
Tá skalv bæði leyv og lund
Sjurður høgg ormin í miðju sundur"

Anst tú siga frá Sjurð svein
-tú tarvst onki ráð geva í vanda
Hann var frægur av fornum ein
-hvør ein sveinur geri so
Tað kann eg siga Sjurði frá
Tílikan eingin við eygum sá

Høgni var ein heiðursmann
-tú tarvst onki ráð geva í vanda
Ljotan av lit so kendi eg hann
-hvør ein sveinur geri so
Gunnar var so reystur og ríkur
Fróður og blíður og Gunhild líkur

Fróður og blíður og Gunhild líkur
-tú tarvst onki ráð geva í vanda
Seint man føðast annar slíkur
-hvør ein sveinur geri so
Faðir mín átti fríðdligt bú
Fjól tað mikið um manga kú

Eg sat á skógvi og goymdi hest
-tú tarvst onki ráð geva í vanda
Helst tá ið veðurið var best
-hvør ein sveinur geri so
Riðu teir um dikið heim
Gunnar og Høgni og Sjúrður svein

Ríðu teir um díkið tá
-tú tarvst onki ráð geva í vanda
Eg var sevin og sá hará
-hvør ein sveinur geri so
Gunnars hestur sprakk um fyrst
Gunnar kandi væl tann dyst

Høgna hestur sprakk um tá
-tú tarvst onki ráð geva í vanda
Grani fastur í feni lá
-hvør ein sveinur geri so
Sjúrðar hestur sprakk um síðst
Tá gav Guð mær goðan list

Grani fell í fenið fast
-tú tarvst onki ráð geva í vanda
Galtagjørðin sundur brast
-hvør ein sveinur geri so
Allir stigu úr søðlum teir
Gunnar, Høgni og Sjúrður svein

Allir tuga á dýran hest
-tú tarvst onki ráð geva í vanda
Sjúrður tugar á teymar mest
-hvør ein sveinur geri so
Ofta havi eg um díkið trott
Bæði dag og døkka nátt

Gestur, ger mær viljan ein
-tú tarvst onki ráð geva í vanda
Tváa mín góða gangara reing
-hvør ein sveinur geri so
Sylgjan, íð sundur brast fyri mær
Hana, Gestur, gevi eg tær

Riðu so fram at eina á
-tú tarvst onki ráð geva í vanda
Eingin kundi til manna sjá
-hvør ein sveinur geri so
Eg tváaði hans bróst og bringa reing
Hans lær og legg og langa bein

Góðan gangara gjørdi eg reing
-tú tarvst onki ráð geva í vanda
Síðan hevði meg Sjurður til svein
-hvør ein sveinur geri so
Vær ríðum so fram á Fávnis ból
Har skein gull sum geisar av sól

Eg tók eitt hár av sama hesti
-tú tarvst onki ráð geva í vanda
Tað var sítt og vaxið mest
-hvør ein sveinur geri so
Tað var favn og feti sítt
Glógvaði rætt sum silvur hvítt

Eg havi í forðum farið vítt
-tú tarvst onki ráð geva í vanda
Ei funnið ljós og lívið mítt"
-hvør ein sveinur geri so
Kongur gav honum skaft og skeið
Og sjálvur segði han kalli leið

Í Fraklandi er vatnið vítt
-tú tarvst onki ráð geva í vanda
Har er ljós og lívið títt
-hvør ein sveinur geri so
Leingi kavaði kurtis mann
Áður hann beint á blýggið fann

Kørnar prestur skírði hann
-tú tarvst onki ráð geva í vanda
Tá leið lív sum ljósið brann
-hvør ein sveinur geri so
Tá ið ljós í lyktu var brent
Tá var lív og levnað ent