P.S.

Lagi bang hiram, maliligayang gising?
Buhos ng ulan, kapag hindi kapiling
Paghinto naman sa putik pupulutin
Sabi ng ilan, sarili'y huwag sisihin

Makakalimot ba sa along nanlilisik?
Sana'y 'di na lang sumubok pang sumisid
Bakit kung kailan natapos ng pumili
Dun manghihinayang sa bandang huli

Ipapaalala ko sa'yo
Ipapaalala ko sa'yo

Naranasan ko ang kulay ng paligid
Malingat ka lang ang buhay nasa bingit
Lason tandaan, ang isip ay alipin
Susundan hanggang ang hininga'y bawiin

At para sa iyo na lumalabang pilit
Parati kong dasal ang tunay na pag-ibig
Darating din ang tangi mong hiling
Umaapaw sa hindi mo mapipigil

Ipapaalala ko sa'yo
Ipapaalala ko sa'yo

Halika na, lumang mukha
Ipapaalala ko ang saya't lumbay ng pag-ibig
Uhaw nating labi, namumukod-tangi
Pawiin mo pang muli!

Bumabangon ka, sa dusa ba'y lalaya?
Ilang hakbang na lamang, muli ka bang aasang
Mundo'y magliliyab? Hindi mo rin tiyak?
Ang puso mong basag, muling magpapanggap

Hindi magsasawa, ikaw na mapalad
Ipapaalala ko sa'yo
Hindi magsasawa, tayong mapalad
Ipapaalala ko sa'yo

Ipapaalala ko sa'yo
Ipapaalala ko sa'yo

Huminga nang buong-buo
Huminga ka ng buong-buo!
Huminga nang buong-buo
Huminga ka ng buong-buo!