Magandang Umaga

(альбом: Walking Distance - 2015)

Magandang umaga po (magandang umaga)
Magandang umaga sa'yo, sa akin, sa kanya, sa kanila, sa inyo at kahit kanino-man

Halika bangon na mula sa pagkakahimbing sa kahapon
Gumising sa kasalukuyan at dalhin ang mga pabaon
Na aral sa mga bangungot, iwanan ang mga sakit
Simula na managinip ng hindi nakapikit

Tara sa unang pagdilat ng ating mga mata ay magdasal kaagad sa may kapal
Magpasalamat sa 'yong pagkahimbing nagising kapa't almusal ang kanyang pagmamahal
Humingi ng tawad sa mga kasalanan na panay at humingi ng patnubay na sa'tin ay gagabay (gagabay)
Sa maghapong dahil ano mang kailangan ay kanyang ibibigay
Kung ang Diyos ay sa sentro ng buhay mo nakalagay

Parang kapeng mainit lamang
Dahan-dahanin mga galawa't desisyon habang
Alalahanin mong hindi ka na bubuhay na para sa sarili lamang
Bawat isa'y may pananagutan sa kapwang nakaatang
Yan ang dapat tandaan
Bago lumabas ng bahay estudyanteng may trabaho o kahit na mga tambay
Tulad ko, tulad niyo na sa akin naghintay din ako sa aliwalas ng bukang liwayway

Gising na, umaga na
Umpisa na nang panibagong simula
'Wag mong hayaan na 'di ka makabangon
At manatili na lamang sa kahapon

Buksan mo na ang pintuan papasokin ang grasya
Ang isang araw ay isipin kung paano mapagkakasya
Sa lahat ng gusto mong gawin alin man sa mga pangarap mo ngayon ang gusto mong tuparin
Ipunin lamang ang mga inspirasyon
Bilang panggatong sa apoy ng mga pag-asa mong liwanag saan mang dakong maligaw

Na wala kang dapat ikatakot salubungin ng ngiti mga sitwasyong nakasimangot
Maging palabati palagi kahit kanino nang magandang umaga na parang tatak lang ng pingpong
Mismo, sulitin mo na ang oras magmahal, magpatawad, mangarap na parang walang bukas sapagkat
Ang hinaharap, ngayon ginagawa wala nagkanilaga ng 'di tsinatiyaga
Kaya maging mabuti dahil ang positibong isip ay bintana ng mga biyayang hindi mo na sisilip kaya

Gising na, umaga na
Umpisa na ng panibagong simula
'Wag mong hayaan na 'di ka makabangon
At manatili na lamang sa kahapon
Gising na, umaga na
Umpisa na ng panibagong simula
Kung sa'n pwede maging masaya o malungkot
At matuwid ang mga naging baluktot

Sa muling pagputok ng araw ay sumabog ang liwanag
Ang nakakabinging katahimikan ng dilim binasag ng sigaw
Mula sa pag-asa ng mga taong na sinimulan sa sarili ang hangad na pagbabago
Nanatiling malakas, matatag, masaya sa kabila ng mga bigat nila na dala
Ako ma'y maraming enerhiya, oras naring sinayang
Ngunit imbes manghinayang lalong nagpahalaga

Tulad niyo rin
Kaya manalangin ng may pananalig
Pati patong mga talong ay muli karing kakamig balang araw
Pagdating nang panahon, pag-isipan mo lamang ang lakas sa labas ng kahon
Dahil nasan ka man ngayon, nanggaling kami diyan
Kaya wag ka lang mawawalan ng dahilan para umasa at muling umasa
Ano mang pangit ng iyong gabi, bukas may magandang umaga pa rin

Gising na (diba), umaga na (naman)
Umpisa na ng panibagong simula (uh, uh)
'Wag mong hayaan na 'di ka makabangon
At manatili na lamang sa kahapon
Gising na, umaga na
Umpisa na ng panibagong simula
Kung sa'n pwede maging masaya o malungkot
At matuwid ang mga naging baluktot

Magandang umaga po (magandang umaga)
Magandang umaga sa'yo, sa akin, sa kanya, sa kanila, sa inyo at kahit kanino-man
Magandang umaga po (magandang umaga)
Magandang umaga sa'yo, sa akin, sa kanya, sa kanila, sa inyo at kahit kanino-man