P's Song

(альбом: Wishclusive - 2021)

('Di ko alam kung pano sisimulan...)

'Di ko alam kung pano sisimulan
Itong aking tula medyo mahirap hirap ang
Maglahad ng nararamdaman kasabay ng beat
Pero kailangan ilabas nilulumot kong sikreto
Nung una kitang makita
Ika'y nakaupot umiiyak tapat ng aming eskinita
At parang mukha kang depressed non
At iniisip ko baka ikaw ay ninakawan ng cellphone
At diba tinanong ko ang iyong pangalan
Sabi mo hindi ka interesado sabi ko wag na nga lang
Suplada ayaw magpakilala
Pagkaraan ng isang oras ay sinundo ka ng iyong syotang
Naka kotse, kagalang-galang
Ako'y pobre ngunit utak ay mayaman
Kung naging sakin ka lamang di kita iiwan
Hanggang sa huli ikaw ay aking aalagaan

(Woaah woaah
Hindi kita iiwan dadalhin ka sa sukdulan, kapit lang
Woaah woaah
Hindi kita iiwan dadalhin ka sa sukdulan, kapit lang)

Oh ikaw ba yon ang sexy at san kaya punta?
Nalalanghap ko rito banda ang sampaguita
Yung pabango kahit ako'y pango amoy kita
Habang tinitignan ko ang kislap ng iyong mga mata
Ngunit ito'y nawawala sa tuwing ako'y lalapit na
Di naman kita babastusin ba't nagagalit ka?
Ibibigay ko lang 'tong panyo mo nahulog mo yata
Pang punas ng luha kung di ka bagsakan ng grasya
Tinatanong ko muli ang iyong pangalan
Di ka sumasagot patay malisya lamang
Ako ay nalungkot dalawang beses na yatang
Dinededma ang tanong na 'to ngunit parang
Di ka masaya sa tuwing kasama mo sila
Sila, sila, sila, oo
Iba't-ibang mukha
Sumusundo sayo at pawang naka kotse pa
Sige ingat sayo hintayin ko ang iyong pagbaba

(Woaah woaah
Hindi kita iiwan dadalhin ka sa sukdulan, kapit lang
Woaah woaah
Hindi kita iiwan dadalhin ka sa sukdulan, kapit lang)

Bakit ba ang hilig mo sa iba't-ibang mga lahi?
Nagpapaalipin ka sa kung kani-kaninong hari
At masaya ka raw kunwari ugh
At nakatiis ka sa pinaka mabahong ugali
Putanginang mga dayuhan na yan
At ika'y walang sawang pinagsamantalahan
Ngunit wala lang sayo yon dahil dun ka nakakakuha ng
Luho mo at balang araw ay kanyang huhubaran
Hanggang sa wala ka nang ibang mapupuntahan
Kukunin nila lahat sayo kahit pa piso man yan
Hanggang sa wala ka ng madudukot sa iyong bulsa
Kundi ang iyong dignidad pati pamato't panabla
Hangad ko lamang ay makilala ka
Bakit ba kailangan papahirapan pa
Ako?
Biglang tumulo luha mo sabay punas, sabi mo
Pangalan ko pala ay Pilipinas

(Woaah woaah
Hindi kita iiwan dadalhin ka sa sukdulan, kapit lang
Woaah woaah
Hindi kita iiwan dadalhin ka sa sukdulan, kapit lang

Woaah woaah (kapit lang...)
Hindi kita iiwan dadalhin ka sa sukdulan, kapit lang
Woaah woaah (kapit lang...)
Hindi kita iiwan dadalhin ka sa sukdulan, kapit lang)