Niente Più

NS

Tu nun me saje capí, si chistu modo mio
È nu modo 'e fá pe truvá 'o modo 'e murí, ah, ah
Saje ca si sto sulo i', 'o preferisco i'

E niente cchiù, niente cchiù po luvá 'stu sole (Na-na-na, na-na-na)
Niente cchiù, niente cchiù po luvá 'stu sole (Na-na-na, na-na-na) (Siente)

Me vase 'o cuollo sulo p''a reazione (Muah)
Ca chella mia a te te piace bona (Ah)
Però 'sta vota nun 'a faccio proprio
Tu 'o ssaje che vò dicere l'illusione, o no?
Tu saje che vò dicere l'emozione?
A quanno pare tu sî prive 'e sole
Pecché nn''e jette si te manno 'e fiore?
E alla fine sprecasso pure si te desse n'ora
Te diceno 'e valore materiale
Pecché tu sî nu tipo materiale
No, è pecché primma 'a mo, nn'tenevo niente, ah
Ma 'o ppane a casa nun mancava maje, ah
Papà che sciopera 'mmiez'a acqua e viento
'A vita mia nun t''a racconto maje, ah
I' 'mmiez'â strada sulo na Toretto
Si era pe'mmé a casa nun turnavo maje
Che songo 'sti Rolex ca te mostrano?
T'accattano e te venneno comme vonno lloro
Tu vulesse fá vedé si se 'mpostano, ah
Me fanno ride', 'e vveco quanno dormono
Penziero sotto voce si disobbliga
Nn'aggio maje miso 'e suonne 'int'a nu mobile
Sulo pecché llà dinto, fra', s'invecchiano
E p''o tiempo nun ce stanno obblighe
E pe champagne, ce sta ll'acqua 'e mare, ah
Aggio 'mparato a ffá finta e po a fá overo cu'tté
L'aggio truvato difficile, ma è comme piace a me
M'hê ditto: "Viene ccà, crideme", ma stammo meglio accussì
Chi primma già me l'ha 'itto, 'o core m'ha fatto suffrí

Nun simmo nate pe stá 'nzieme tutt''e duje
Nun simmo mare, nun simmo cielo, simmo nuje
Scelte fatte sulamente pe stá sule, pecché accussì

Niente cchiù, niente cchiù po luvá 'stu sole (Na-na-na, na-na-na)
Niente cchiù, niente cchiù po luvá 'stu sole (Na-na-na, na-na-na)

'E lenzole c'addorano 'e sole
'O raù fa na fragranza nova
'O stemma d''o Napule dint'â stanzetta
'A dummeneca 'e ttre c''o pallone, vulevamo fá
Maradona (Ah, ah), comme Diego Armando Maradona (Ah, ah, ah)
'O stadio erano 'e balcune 'e 'stu rione
Quando è sabbato chiammame ca te porto a mare
L'ultimo juorno ô cavero, po fernesce l'estate
Pecché nuje stampate ch''e lettere 'ncuollo, NA 'ncopp'ô core
(Pecché nuje)
Te voglio spiegá nuje chi simmo da nu poco 'e tiempo, ma

Tu nun me saje capí, si chistu modo mio
È nu modo 'e fá pe truvá 'o modo 'e murí, ah, ah
Saje ca si sto sulo i', 'o preferisco i'

E niente cchiù, niente cchiù po luvá 'stu sole (Na-na-na, na-na-na)
Niente cchiù, niente cchiù po luvá 'stu sole (Na-na-na, na-na-na)

Niente cchiù, niente cchiù po luvá 'stu sole
Niente cchiù, niente cchiù po luvá 'stu sole