44 Gloc-9 Challenge Goodson Remix

Ikaw na naman, 'di ba kalalabas mo lang
Kung magsulat ka ng kanta, laging binibilisan
Parang lupang 'di tigang sa letra mong binang
Walang tigil sa pag-agos pinapadulas mo lang

Hindi naman super lolo pero bakit sumasabog
Ang lahat nakuha mo kahit 'di makapal ang apog
Pinagmanhik-manaog, ibang klaseng tagalog
Parang alta-presyon sa kumakapal na batok

Tapos na'ng biruan walang pala-palabok
Wag kang gumamit ng baldeng butas sa pagsalok
Magpahagod 'pag napagod 'pag dumagok magpadagok
Laging handa sa pagsusulit kahit walang pasok

Ang bata na inaral ang abakada
E ga ha i la ma na nga o pa ra sa ta o wa ya
Kung 'di makasabay sa aking maka-kaya
Bumaba ka sa aking pasada mama para

Ibalik ang bayad sumayad ang speaker sa lakas
Ng tunog lumubog ang mga mapangahas
Na humahamig kahit na hangin lang ang kinahig
Nag-uunahan sa pagdampot ng putik at ipahid

Sino ang magaling? Palaging sumisigaw
Sa loob ng kaing na may kaiburong na manggang hilaw
O kandilang tunaw o itak na bingaw
'Pag pinagsama natin ang mga yan, oo ikaw

Matagal-tagal na rin po akong nagtatampisaw
Sa tubig na kung minsan ay parang kanal sa hangin
Kaya may oras na parang gusto kong bumitaw
Ngunit salamat sa hindi nadadala sa akin

Pero aamin ko nakakapanghinayang
Lisanin ang trabaho na kailangan mong tibayan
Ang muka mo, di na bagong kabisado na tula to
Sa muka mo, itaya mo, pati pato, ano kamo

Bawat cd'ing nabenta mo wala pang limang piso
Ang babalik sayo teka wala kang benepisyo
Pero ayos lang kasi ito ang 'yong pinagdasal
'Di man kasing bango ng lahat ng nahahalal

Mga nakakarinig sila ang suma total
Pagkakataong humukay ng panibagong bukal
Na humuhubog sa isip ng mga batang may pangarap
Kahit ano mangyari wag kang bibitaw sa yakap

Yan ay hindi patapon
Ilabas mo sa kahon
Mga letrang mamantika, malasa pa sa hamon
Hayaang ipasa ko sayo ang pagkakataong
Masabi ang mga saloobin simula pa no'n
Ikaw naman