Affianc'a Te

(专辑： AmarAmmore - 2021)

Chesti mmane songo 'e toje
Trase dint'a 'sti parole
Fosse bello a sta 'int'ô stesso suonno
Ô stesso suonno
Chesta notte nun fernesce
Manco si vulesse
Je te cerco
E intanto schiara juorno
Schiara juorno

'Sti penziere già 'o sanno e mo veneno
Addò staje tu
Addò staje tu
E pe piacere, pe piacere, falli trasì
A ffianc'a te, a ffianc'a te, vulesseno durmì
'Sti penziere nun 'o sanno ca forze tu
Nun 'e vuò cchiù
Nun 'e vuò cchiù
E pe piacere, pe piacere, falli trasì
A ffianc'a te, a ffianc'a te, vulesseno durmì

Nun 'o penzo a 'stu sole
Ch'esce e vene a dà calore
Voglio ca me resta 'o friddo 'ncuollo
'O friddo 'ncuollo
Tutt''e vase, 'e carezze
E pe sempe 'int'ê prumesse
A che servono si mo nun tuorne
Mo nun tuorne?

'Sti penziere già 'o sanno e mo veneno
Addò staje tu
Addò staje tu
E pe piacere, pe piacere, falli trasì
A ffianc'a te, a ffianc'a te, vulesseno durmì
'Sti penziere nun 'o sanno ca forze tu
Nun 'e vuò cchiù
Nun 'e vuò cchiù
E pe piacere, pe piacere, falli trasì
A ffianc'a te, a ffianc'a te, vulesseno durmì

Tanto aspetto, tanto aspetto
Tanto aspetto, quanto
E che aspetto a fa'
Si po nun vene maje dimane?
Tanto gira, tanto gira
Buono 'stu rilorgio
E che gira a fa'
Si po 'sta vita è ferma a ogge?
Tanto aspetto, tanto aspetto
Tanto aspetto, quanto
E che aspetto a fa'
Si po nun vene maje dimane?
Tanto gira, tanto gira
Buono 'stu rilorgio
E che gira a fa'
Si po 'sta vita è ferma a ogge?