IN TRAPPOLA

(专辑： IL CORAGGIO DEI BAMBINI - 2023)

[Geolier:]
Yeah, ah

Putevo tradí a nu cumpagno quando
Te portano 'int'â questura e 'o guardio leva 'e guante
Putevo fá 'o doppio d''e sorde ca nun aggio fatto, infatte
Lloco 'o successo dà ll'impatto e i' so' rimasto intatto
Putevo essere uno d''e tante
Ca c''a puteva fá, ma nn'ce l'ha fatta
Currimmo aret'ê suonne cu ll'affanno
Amammo a chi tenimmo annanze nonostante
Tenimmo 'e core infrante, buone sulo a pumpá 'o sanghe
Putevo fá tre platine c''a hit estiva
'E sorde vanno 'e veneno, 'a credibilità a vita
Putevo dicere a papà: "Papà, so' stanco e nun fatico"
E quindi nn''esse avuto 'e suonne né 'o bisogno 'e cagná vita

Yeah
In trappola, me sento libbero sulo 'int'ê gabbie
Pare 'o poligono addò so' nato
Chi beve Hennessy pe se scurdá 'o passato
E chi fa di tutto pe s''o ricurdá
Me sento libbero sulo 'int'ê gabbie
Pare 'o poligono addò so' nato
Chi beve Hennessy pe se scurdá 'o passato
E chi fa di tutto pe s''o ricurdá

[Lele Blade:]
Yeah
Crisciuto in trapolla 'int'ê gabbie, adoppo Dio ce penza
A dudec'anne tra pacche d'evera e rap perdettemo ll'innocenza
A quindic'anne già ero n'ommo, 'o fuoco 'a dint'a ll'uocchie triste
I' ca sunnavo juorne comm'e chiste 'e saglí da ll'abbisso
Mo stuto a 'stu munno, black out
N'ora 'e pace 'mmiez'ô male, fumo e vaco knock out
Sorde e fama nun so' comme m'aspettavo
I' brillavo già senza brillante 'ncuollo
Mo cu vinte K appise ô cuollo m'aggi''a guardá attuorno
Nun so' maje cagnato, nun me scordo d''e valore
E nu cumpagno bbuono vale cchiù assaje 'e n'opera 'e valore
E chi me stima 'o ssape ggià, picciò muresse p''a famiglia (Yeah)
'A cosa cchiù bella ca 'a vita te puó regalá è nu figlio

[Geolier:]
Yeah
In trappola, me sento libbero sulo 'int'ê gabbie
Pare 'o poligono addò so' nato
Chi beve Hennessy pe se scurdá 'o passato
E chi fa di tutto pe s''o ricurdá
Me sento libbero sulo 'int'ê gabbie
Pare 'o poligono addò so' nato
Chi beve Hennessy pe se scurdá 'o passato
E chi fa di tutto pe s''o ricurdá